ഉമിനീരില്‍ ബീജം തിരയുന്നവര്‍

ഫെബ്രുവരി 22ന് കേരളത്തിലെ ‘പ്രമുഖ’ പത്രത്തിന്റെ ഒന്നാം പേജില്‍ ഏറ്റവും പ്രധാനപ്പെട്ടതായി അച്ചടിച്ചുവന്ന വാര്‍ത്തയുടെ തുടക്കം കണ്ട് ശരിക്കും ഞെട്ടി. കൊച്ചിയാണ് വാര്‍ത്തയുടെ പ്രഭവകേന്ദ്രം. ‘പ്രമുഖ’ എന്നു ചേര്‍ത്തത് വെറുതെയല്ല, 100 വര്‍ഷത്തിലേറെ നീളുന്ന മഹത്തായ പാരമ്പര്യമുണ്ട് പത്രത്തിന്. പ്രമുഖപത്രം തന്നെയാണ് -കേരള കൗമുദി!! വാര്‍ത്ത വായിച്ച് ഞാന്‍ തരിച്ചിരുന്നു. ഇങ്ങനൊക്കെ പത്രത്തില്‍ എഴുതാന്‍ പറ്റുമോ? അതും കേരള കൗമുദിയില്‍??!! ‘കേരള മനസ്സാക്ഷിയെ മരവിപ്പിക്കും വിധം ഒരു മനുഷ്യസ്ത്രീയോട് ഒരിക്കലും ചെയ്യാന്‍ പാടില്ലാത്ത നികൃഷ്ടമായ ആക്രമണമാണ് പള്‍സര്‍…

വാര്‍ത്തയിലെ സൈനികന്‍

ഒരു വാര്‍ത്ത പൂര്‍ണ്ണമാവുന്നത് ഫോളോ അപ്പുകളിലൂടെയാണ്. ആദ്യം കിട്ടുന്ന വിവരം പലപ്പോഴും വാര്‍ത്താവിസ്‌ഫോടനം സൃഷ്ടിക്കും. എന്നാല്‍, തുടര്‍ന്നു നടക്കുന്ന അന്വേഷണത്തില്‍ ചിലപ്പോഴൊക്കെ ആദ്യത്തെ വിസ്‌ഫോടനം പാഴാണെന്നു വ്യക്തമാവും. യഥാര്‍ത്ഥത്തില്‍ അതു നനഞ്ഞ പടക്കം മാത്രമാണെന്നു മനസ്സിലാവും. ആദ്യം പുറത്തുവന്ന വിവരമല്ല യഥാര്‍ത്ഥ വാര്‍ത്ത, അതിനു നേര്‍ വിപരീതമാവും എന്ന അവസ്ഥ പോലുമുണ്ടാവും. ഒരു വാര്‍ത്ത അതിന്റെ പൂര്‍ണ്ണ അര്‍ത്ഥത്തില്‍ ജനങ്ങളിലേക്ക് എത്തിക്കാനുള്ള ഉത്തരവാദിത്വം മാധ്യമങ്ങള്‍ക്കുണ്ട്, മാധ്യമപ്രവര്‍ത്തകര്‍ക്കുണ്ട്. എത്ര പേര്‍ ആ ഉത്തരവാദിത്വം കൃത്യമായി നിറവേറ്റുന്നുണ്ട് എന്നത് തീര്‍ച്ചയായും…

ജോയിച്ചായന് അശോക ചക്രം വേണ്ട!!!

രാവിലെ മാതൃഭൂമി പത്രം കൈയിലെടുത്തപ്പോള്‍ അച്ഛന്റെ ആദ്യ കമന്റ് ‘ഇവന്മാരും ഈ പരിപാടി തുടങ്ങിയോ?’ എന്നായിരുന്നു. ഒന്നാം പേജിലെ മുഴുനീള പരസ്യം കണ്ടിട്ടായിരുന്നു പ്രതികരണം. ടൈംസ് ഓഫ് ഇന്ത്യയില്‍ ഇത്തരം പരസ്യം പതിവാണ്. മലയാള പത്രത്തിലേക്കും അത് വ്യാപിക്കുന്നതിലെ അസഹിഷ്ണുതയാണ് അദ്ദേഹം പ്രകടിപ്പിച്ചത്. കമന്റ് കേട്ട് ഞാന്‍ പത്രത്തിലേക്ക് പാളി നോക്കി. ഏതോ സ്വര്‍ണ്ണക്കടയുടെ പരസ്യമാണ്. ഒരുപാട് രാജ്യങ്ങളുടെ പതാകയൊക്കെയുണ്ട്. അതിലേക്കു ശ്രദ്ധിക്കാതെ അച്ഛന്‍ പേജ് മറിച്ച് അകത്തെ വാര്‍ത്തകളിലേക്ക് കമഴ്ന്നുവീണു. ഇനി അര മണിക്കൂറെങ്കിലും കഴിയാതെ…

പെണ്‍തെറി

തിരുവനന്തപുരം യൂണിവേഴ്‌സിറ്റി കോളേജില്‍ ഉണ്ടായതായി ‘പറയപ്പെടുന്ന’ സദാചാര ഗുണ്ടായിസം പുതിയൊരു ചര്‍ച്ചയ്ക്ക് വഴിതുറന്നിട്ടുണ്ട് ആണ്‍കുട്ടികള്‍ക്ക് തെറി വിളിക്കാമെങ്കില്‍ പെണ്‍കുട്ടികള്‍ക്ക് എന്തുകൊണ്ട് തെറി വിളിച്ചുകൂടാ? രണ്ടു പെണ്‍കുട്ടികള്‍ നടത്തിയ സമാനതകളില്ലാത്ത തെറിവിളിയാണ് കൂടെയുണ്ടായിരുന്ന പുരുഷ കേസരിയെ തല്ലുകൊള്ളിച്ചതെന്നു ഞാനെഴുതിയതാണ് ഈ ചര്‍ച്ചയ്ക്ക് ആധാരം. ചില പെണ്‍സുഹൃത്തുക്കള്‍ ഇതിന്റെ പേരില്‍ എന്നെ ‘പുരുഷാധിപത്യ പന്നി’ അഥവാ male chauvinist pig എന്നു വിശേഷിപ്പിച്ചിട്ടുണ്ട്. MCP എന്നു ചുരുക്കിപ്പറയും. എല്ലാവരും ഇങ്ങനെ പറയുമ്പോള്‍ പിന്നെ ഞാനത് ആവാതിരിക്കുന്നതെങ്ങനെ എന്നാണ് എന്റെ ചോദ്യം….

കെട്ടിച്ചമയ്ക്കപ്പെടുന്ന ഇരവാദം

ഇന്നലെ രാവിലെ യൂണിവേഴ്‌സിറ്റി കോളേജില്‍ പോയിരുന്നു. 150-ാം വാര്‍ഷികാഘോഷങ്ങളുടെ ഭാഗമായി ഇംഗ്ലീഷ് വിഭാഗം പൂര്‍വ്വവിദ്യാര്‍ത്ഥികളുടെ ആഭിമുഖ്യത്തില്‍ സംഘടിപ്പിക്കുന്ന ഒരു പ്രഭാഷണം കേള്‍ക്കാന്‍. കേരളീയനായ ആദ്യ ഇംഗ്ലീഷ് ബിരുദാനന്തര ബിരുദധാരിയും യൂണിവേഴ്‌സിറ്റി കോളേജിലെ മലയാളിയായ ആദ്യ ഇംഗ്ലീഷ് പ്രൊഫസറുമായ എം.എ.പരമുപിള്ളയെ അനുസ്മരിക്കുന്നതിനായിരുന്നു പരിപാടി. പ്രഭാഷണം നടത്താനെത്തിയത് കോളേജിലെ ഇംഗ്ലീഷ് വിഭാഗം പൂര്‍വ്വവിദ്യാര്‍ത്ഥിയും ഡല്‍ഹി ജവാഹര്‍ലാല്‍ നെഹ്രു സര്‍വ്വകലാശാലയിലെ സെന്റര്‍ ഫോര്‍ ഇംഗ്ലീഷ് ആന്‍ഡ് ലിംഗ്വിസ്റ്റിക്‌സ് മേധാവിയുമായ പ്രൊഫ.പി.ഉദയകുമാര്‍. പ്രഭാഷണം കേള്‍ക്കാന്‍ സാമാന്യം നല്ല തിരക്കുണ്ടായിരുന്നു. സെമിനാര്‍ ഹാളായി മാറിയ…

സമരത്തിന്റെ വിജയവും പരാജയവും

‘പുതിയ പ്രിന്‍സിപ്പലിനെ നിയമിക്കണമെന്ന് മന്ത്രിയും നിര്‍ദ്ദേശിച്ചു. മാനേജ്‌മെന്റ് ഈ നിര്‍ദ്ദേശം അംഗീകരിച്ചു. എന്നാല്‍, ലക്ഷ്മി നായരുടെ രാജിയില്‍ കുറഞ്ഞതൊന്നും സ്വീകാര്യമല്ലെന്ന് വിദ്യാര്‍ത്ഥികള്‍ പറഞ്ഞു.’ ലോ അക്കാദമി സമരം ഒത്തുതീര്‍ക്കാന്‍ ഫെബുവരി 4 ശനിയാഴ്ച വിദ്യാഭ്യാസ മന്ത്രിയുടെ അദ്ധ്യക്ഷതയില്‍ നടന്ന ചര്‍ച്ച പരാജയപ്പെട്ടതുമായി ബന്ധപ്പെട്ട് ഞായറാഴ്ച മാതൃഭൂമി പത്രത്തില്‍ വന്ന വാര്‍ത്തയാണ്. ഇപ്പോൾ സമരം ഒത്തുതീര്‍ന്നതുമായി ബന്ധപ്പെട്ട് ഒപ്പുവെച്ച കരാറും കണ്ടു. ‘കേരളാ ലോ അക്കാദമി ലോ കോളേജിലെ പ്രിന്‍സിപ്പലായ ശ്രീമതി ലക്ഷ്മി നായരെ ഗവേണിങ് കൗണ്‍സില്‍ തീരുമാനപ്രകാരം…

ഒരു വീഴ്ചയുടെ ഓര്‍മ്മ

2015 ഫെബ്രുവരി 9. അന്നൊരു തിങ്കളാഴ്ചയായിരുന്നു എന്നാണ് ഓര്‍മ്മ. ദേശീയ ഗെയിംസ് തിരുവനന്തപുരത്ത് നടക്കുന്നു. രാവിലെ മുതല്‍ അതിനു പിന്നാലെയുള്ള ഓട്ടത്തിലാണ്, വാര്‍ത്തകള്‍ക്കായി. തിരക്കേറിയ ഒരു വാര്‍ത്താദിനം. വൈകുന്നേരം 5 മണി ആയതോടെ ജീവിതം കീഴ്‌മേല്‍ മറിഞ്ഞു. കൈയിലുണ്ടായിരുന്ന വാര്‍ത്തകള്‍ക്ക് വിലയില്ലാതായി. അതു സ്വീകരിക്കാന്‍ ആളില്ലാതായി. പിന്നെ വാര്‍ത്തകളേ വേണ്ടാതായി. കാലുറപ്പിച്ചു നിന്നിടം പെട്ടെന്ന് അഗാധ ഗര്‍ത്തമായി മാറി. മണ്ണിന് ഉറപ്പില്ല എന്ന പ്രശ്‌നമുണ്ടായിരുന്നു. പക്ഷേ, ഒപ്പമുണ്ടായിരുന്ന ചിലര്‍ നിന്നിടം കുഴിച്ചു. അങ്ങനെ കുഴിച്ചവര്‍ പുതിയ മേച്ചില്‍പ്പുറങ്ങള്‍…

ബാല്യത്തിന്റെ ആഘോഷം

പത്താം ക്ലാസില്‍ പഠിക്കുമ്പോള്‍ സുഭദ്രാ കുമാരി ചൗഹാന്റെ ‘മേരാ നയാ ബച്പന്‍’ എന്ന കവിത പഠിച്ചിട്ടുണ്ട്. തിരുവനന്തപുരം സെന്റ് ജോസ്ഫ്‌സ് സ്‌കൂളിലെ 10 ഇ ക്ലാസ് മുറിയില്‍ എ.വര്‍ഗ്ഗീസ് സര്‍ ആ കവിത ഈണത്തില്‍ ചൊല്ലുന്നത് ഇപ്പോഴും എന്റെ കാതുകളില്‍ മുഴങ്ങുന്നു. ഈണത്തില്‍ ചൊല്ലിപ്പഠിച്ചതിനാലാവാം കവിത ഇപ്പോഴും മനസ്സിലുണ്ട്, പൂര്‍ണ്ണമായിട്ടല്ലെങ്കിലും. ബാര്‍-ബാര്‍ ആതി ഹൈ മുഝ്‌കൊ മധുര്‍ യാദ് ബച്പന്‍ തേരി ഗയാ ലേ ഗയാ തൂ ജീവന്‍ കി സബ്‌സെ മസ്ത് ഖുശി മേരി ചിന്താരഹിത്…

ഇരുമ്പഴികള്‍ക്കു പിന്നിലേക്കുള്ള വഴി

വി.കെ.ശശികല തമിഴ്‌നാട് മുഖ്യമന്ത്രിയാവും എന്ന വാര്‍ത്ത കേട്ടപ്പോള്‍ എത്ര കാലത്തേക്ക് എന്ന ചോദ്യമാണ് ആദ്യം മനസ്സിലേക്കോടിയെത്തിയത്. ഫേസ്ബുക്കില്‍ അത് എഴുതിയിടുകയും ചെയ്തു. പല വിധത്തിലുള്ള പ്രതികരണങ്ങളുണ്ടായി. പക്ഷേ, ഇരുമ്പഴിക്കു പിന്നിലേക്കുള്ള ശശികലയുടെ വഴി സത്യപ്രതിജ്ഞ നിശ്ചയിച്ചിരിക്കുന്ന മദ്രാസ് സര്‍വ്വകലാശാലാ ശതാബ്ദി ഹാളില്‍ നിന്നു തുടങ്ങുകയാണോ എന്ന എന്റെ സംശയം വെറുതെയല്ല. കോടതി നടപടികള്‍ അതിലേക്കു തന്നെയാണ് വിരല്‍ ചൂണ്ടുന്നത്. വരവില്‍ കവിഞ്ഞ സ്വത്ത് സമ്പാദിച്ചതുമായി ബന്ധപ്പെട്ട് 1990കളുടെ തുടക്കത്തിലുണ്ടായ കേസില്‍ ജയലളിതയ്‌ക്കൊപ്പം ശശികലയും പ്രതിയാണ്. ഇതു സംബന്ധിച്ച…