• 500
  • 29
  •  
  • 25
  •  
  •  
  •  
    554
    Shares

ഇപ്പോള്‍ രാജ്യം ഭരിക്കുന്നവരുടെ അവകാശവാദം തങ്ങളാണ് ഏറ്റവും വലിയ രാജ്യസ്‌നേഹികള്‍ എന്നാണ്. അതിര്‍ത്തിയും അവിടെ കാവല്‍ നില്‍ക്കുന്ന പട്ടാളക്കാരനും സ്മരിക്കപ്പെടാത്ത ഒരു ദിവസം പോലും കഴിഞ്ഞ നാലേമുക്കാല്‍ വര്‍ഷത്തിനിടെ ഉണ്ടായിട്ടില്ല.

തങ്ങള്‍ക്കെതിരെ അല്പം ബുദ്ധിമുട്ടുള്ള എന്തെങ്കിലും ചോദ്യം എവിടെ നിന്നെങ്കിലും ഉയര്‍ന്നാല്‍ ഭരണകൂടം അതിനെ പ്രതിരോധിക്കുന്നത് അതിര്‍ത്തിയിലെ പട്ടാളക്കാരന്റെ രാജ്യസ്‌നേഹവും ത്യാഗവും മറയാക്കിയാണ്. അങ്ങനെയുള്ളവര്‍ സൈനികന് എല്ലാ സൗകര്യങ്ങളും ഏര്‍പ്പെടുത്തി നല്‍കുന്നുണ്ടോ?

ദീപാവലി ആഘോഷത്തിന്റെ ഭാഗമായി അതിർത്തിയിലെ സൈനികർക്ക് പ്രധാനമന്ത്രി നരേന്ദ്ര മോദി മധുരം നൽകിയപ്പോൾ

രാജ്യസുരക്ഷയുടെ കാര്യത്തില്‍ പ്രതിജ്ഞാബദ്ധമായ ഒരു സര്‍ക്കാരും സൈനികച്ചെലവിന്റെ കാര്യത്തില്‍ നിയന്ത്രണങ്ങള്‍ ഏര്‍പ്പെടുത്തില്ല. ‘രാജ്യസ്‌നേഹി’കളുടെ സര്‍ക്കാരില്‍ നിന്ന് അത്തരമൊരു നടപടി സങ്കല്പിക്കാന്‍ പോലുമാവില്ല. സൈനികച്ചെലവില്‍ നിയന്ത്രണമേര്‍പ്പെടുത്തുന്ന പതിവ് നമ്മുടെ രാജ്യത്തൊട്ടില്ല താനും. എന്നാല്‍, നരേന്ദ്ര മോദിയുടെ ഭരണത്തിനു കീഴില്‍ അതും കാണേണ്ടി വന്നിരിക്കുന്നു.

ആവശ്യത്തിന് ഫണ്ട് ലഭ്യമാകാത്തതിനാല്‍ സൈനികരുടെ സഞ്ചാരച്ചെലവുകള്‍ക്ക് നിയന്ത്രണമേര്‍പ്പെടുത്തിയിരിക്കുകയാണ്. രാജ്യസ്‌നേഹികളെ ‘അത്രയ്ക്കങ്ങ്ട്’ വിശ്വസിക്കണ്ടാന്ന് സാരം! വികസനക്കുതിപ്പിനെക്കുറിച്ച് മേനി പറയുമ്പോള്‍ യഥാര്‍ത്ഥത്തില്‍ രാജ്യം എത്രമാത്രം പാപ്പരായിരിക്കുന്നു എന്നതിന് തെളിവാണ് സൈന്യത്തിന്റെ കീശയില്‍ കൈയിട്ട സര്‍ക്കാരിന്റെ നടപടി. റിസര്‍വ്വ് ബാങ്കിന്റെ കരുതല്‍ ധനം വേണമെന്ന് മോദി സര്‍ക്കാര്‍ വാശിപിടിച്ചത് വെറുതെയല്ല!

സൈനികരുടെ യാത്രാച്ചെലവുകൾക്ക് നിയന്ത്രണമേർപ്പെടുത്തുന്ന അറിയിപ്പ് പി.സി.ഡി.എ. വെബ്സൈറ്റിൽ22282

കഴിഞ്ഞ ദിവസം പ്രിന്‍സിപ്പല്‍ കണ്‍ട്രോളര്‍ ഓഫ് ഡിഫന്‍സ് അക്കൗണ്ട്‌സ് -പി.സി.ഡി.എ. ഒരുത്തരവ് പുറപ്പെടുവിച്ചു -സൈനികസേവനത്തിന്റെ ഭാഗമായുള്ള പഠനപ്രക്രിയ, ഇടക്കാല ചുമതല നിര്‍വ്വഹണം, പുതിയ നിയമനം എന്നിവയ്ക്കുള്ള യാത്രാച്ചെലവുകള്‍ ഇനിയൊരു അറിയിപ്പുണ്ടാവുന്നതുവരെ നിര്‍ത്തിവെയ്ക്കുന്നു. ഫണ്ടിലെ അപര്യാപ്തതയാണ് നിയന്ത്രണത്തിനു കാരണമെന്നും അറിയിപ്പില്‍ വ്യക്തമായി പറഞ്ഞിട്ടുണ്ട്. പി.സി.ഡി.എ. ഔദ്യോഗിക വെബ്‌സൈറ്റില്‍ ഈ അറിയിപ്പ് പ്രസിദ്ധീകരിക്കുകയും ചെയ്തു.

Due to insufficient funds available under temporary duty and permanent duty heads of Army officers, no TA / DA advances and claims can be processed till receipt of sufficient funds under the relevant heads. However, the facility for LTC will continue.

അതായത് യാത്ര ചെയ്യുന്നതിന് മുന്‍കൂറായോ യാത്രയ്ക്കു ശേഷമോ യാത്രപ്പടി കിട്ടില്ല. സേവനാനുകൂല്യത്തിന്റെ ഭാഗമായി നിശ്ചിത കാലയളവിന്റെ ഇടവേളയില്‍ കുടുംബസമേതം വിനോദയാത്രയ്ക്ക് അവസരമൊരുക്കുന്ന എല്‍.ടി.സി. -ലീവ് ട്രാവല്‍ കണ്‍സഷന്‍ അനുവദിക്കുന്നത് തുടരുമെന്നും വ്യക്തമാക്കിയിട്ടുണ്ട്. സൈനികോദ്യോഗസ്ഥരുടെ ആനുകൂല്യങ്ങളും പടികളും ഓഡിറ്റ് ചെയ്യുന്നതിനു വിതരണം നടത്തുന്നതിനും ചുമതലയുള്ള ഏജന്‍സിയാണ് പി.സി.ഡി.എ.

42,000 ഓഫീസര്‍മാരും 12 ലക്ഷത്തോളം സൈനികരുമുള്ള കരസേനയില്‍ വ്യാപക അതൃപ്തി പടരുന്നതിന് ഈ ഉത്തരവ് കാരണമായിരിക്കുകയാണ്. ഓഫീസര്‍മാര്‍, ജൂനിയര്‍ കമ്മീഷന്‍ഡ് ഓഫീസര്‍മാര്‍, സൈനികര്‍ എന്നിവരുടെ യാത്രാപ്പടി അടക്കമുള്ള ആനുകൂല്യങ്ങള്‍ വിതരണം ചെയ്യാന്‍ ഒരു വര്‍ഷത്തേക്ക് 4,000 കോടി രൂപയോളം വേണ്ടി വരുമെന്നാണ് കണക്ക്. എന്നാല്‍, പി.സി.ഡി.എയ്ക്ക് അനുവദിച്ചത് 3,200 കോടി രൂപ മാത്രമാണ്. അതാണെങ്കില്‍ ഉപയോഗിച്ചു തീരുകയും ചെയ്തു.

പണമില്ലാത്തതിനാല്‍ പുറപ്പെടുവിച്ച സാമ്പത്തിക നിയന്ത്രണ ഉത്തരവ് സ്വാഭാവികമായും വന്‍ വിവാദത്തിന് വഴിവെച്ചു. ഇതേത്തുടര്‍ന്ന് അറിയിപ്പ് വെബ്‌സൈറ്റില്‍ നിന്ന് നീക്കിയെങ്കിലും നിയന്ത്രണം അതേപടി തുടരുകയാണ്.

സാമ്പത്തിക നിയന്ത്രണം സംബന്ധിച്ച അറിയിപ്പ് പി.സി.ഡി.എ. വെബ്സൈറ്റിൽ നിന്ന് നീക്കിയപ്പോൾ

കരസേനയുടെ ദൈനംദിന പ്രവര്‍ത്തനങ്ങളെ സാരമായി ബാധിക്കുന്നതാണ് ഈ സാമ്പത്തിക നിയന്ത്രണം. സേനയിലെ പകുതിയോളം ഓഫീസര്‍മാര്‍ താല്‍ക്കാലിക ചുമതലകള്‍ നിര്‍വ്വഹിക്കുന്നതിന്റെ ഭാഗമായി മറ്റു കേന്ദ്രങ്ങളിലാണ്. 6 മാസ കാലയളവില്‍ താഴെയായിരിക്കും ഈ താല്‍ക്കാലിക ചുമതല. കാലാവധി പൂര്‍ത്തിയാവുമ്പോള്‍ തങ്ങളുടെ മാതൃകേന്ദ്രത്തിലേക്ക് ഓഫീസര്‍മാര്‍ മടങ്ങാതിരിക്കുകയോ സ്വന്തം കൈയില്‍ നിന്ന് പണം മുടക്കി യാത്ര ചെയ്യുകയോ വേണം.

സ്ഥലംമാറ്റങ്ങളുടെയും പോസ്റ്റിങ്ങിന്റെയും കാര്യത്തിലും ഇതേ അവസ്ഥയാണ്. ചുരുക്കത്തില്‍ സൈനികാവശ്യങ്ങള്‍ക്കുള്ള സഞ്ചാരം നിര്‍ത്തിവെയ്ക്കാന്‍ കരസേന തല്‍ക്കാലത്തേക്കെങ്കിലും നിര്‍ബന്ധിതമായിരിക്കുന്നു. രാജ്യസ്‌നേഹത്തിന്റെ അവസ്ഥാന്തരങ്ങള്‍!!!

MORE READ

ഓര്‍മ്മകളുണ്ടായിരിക്കണം... കോഴിക്കോട് മാതൃഭൂമിയില്‍ ജോലി ചെയ്യുന്ന വേളയില്‍, 2005 ജൂലൈ രണ്ടിനാണ് ഞാന്‍ ആദ്യമായി ഒരു ലാപ്‌ടോപ്പ് സ്വന്തമാക്കുന്നത്. 2005 ജൂലൈ മൂന്നു മുതല്‍ ഇന്നുവ...
ഓഖി ഫണ്ട് പോയ വഴി 'ഓഖി ദുരന്തവുമായി ബന്ധപ്പെട്ട് കേരളത്തിനു കിട്ടിയ ഫണ്ടും പിരിച്ച ഫണ്ടും ചെലവാക്കിയില്ല. അപ്പോള്‍ പിന്നെ ഇപ്പോഴത്തെ പ്രളയവുമായി ബന്ധപ്പെട്ട് മുഖ്യമന്ത്...
കാലം മറിഞ്ഞ കാലം വേനല്‍ തുടങ്ങാനിരിക്കുന്നതേയുള്ളൂ. അപ്പോഴേക്കും നാടും നഗരവും ചുട്ടുപൊള്ളുകയാണ്. പകല്‍ താപനില ചിലയിടങ്ങളില്‍ 40 ഡിഗ്രി സെല്‍ഷ്യസിനോട് അടുക്കുന്നു. ജലസ്...
കുരിശിന്റെ രൂപത്തില്‍ കോടതിയലക്ഷ്യം... പൊമ്പിളൈ ഒരുമൈ പരാമര്‍ശത്തിന്റെ പേരില്‍ എം.എം.മണിയുടെ പ്രസംഗം കുറച്ചുദിവസമായി വാര്‍ത്തകളില്‍ നിറഞ്ഞിരിക്കുകയാണല്ലോ. സെന്‍കുമാര്‍ കേസ് കാരണം തല്‍ക്കാലം...
അനിവാര്യം ഈ മാറ്റം Mr.Senkumar, you are not fit for this job. Your deeds have made you a laughing stock. Kerala definitely deserve a much better officer as DGP. 2016 ...
മാധ്യമ ഉപദേശകന്‍ ആര്?... - കേരളാ മുഖ്യമന്ത്രി പിണറായി വിജയന്റെ മാധ്യമ ഉപദേശകന്‍ ആര്? - ഇന്നാട്ടിലെ കൊച്ചുകുട്ടിക്കു പോലും അറിയുന്ന ഉത്തരം ചോയ്ക്കുന്ന അനക്കെന്താ നട്ടപ്പിരാന്താ...
ഭാഗ്യം, ഞാന്‍ ജീവിക്കുന്നത് കേരളത്തിലാണ്... മൂന്ന് വയസ്സുകാരന്‍ കണ്ണന്‍ അടുത്ത് കട്ടിലില്‍ കിടന്നുറങ്ങുന്നു. ഞാന്‍ ഇടയ്ക്കിടെ അവന്റെ നെറ്റിയില്‍ കൈവെച്ച് നോക്കുന്നുണ്ട്. അല്പം മുമ്പ് അവന്റെ ഡോക്...

  • 500
  • 29
  •  
  • 25
  •  
  •  
  •  
    554
    Shares
  •  
    554
    Shares
  • 500
  • 29
  •  
  • 25
  •  
  •  

COMMENT