എന്തിനായിരുന്നു ആ കെട്ടിപ്പിടിത്തം?

ലോക്‌സഭയിലെ അവിശ്വാസപ്രമേയ ചര്‍ച്ചയ്ക്കിടെ പ്രധാനമന്ത്രി നരേന്ദ്ര മോദിയെ കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി കെട്ടിപ്പിടിച്ചതാണ് ഇന്നത്തെ ചര്‍ച്ചാവിഷയം. മോദിയെ രാഹുല്‍ കെട്ടിപ്പിടിച്ചതും അതിനു ശേഷം തന്റെ ഇരിപ്പിടത്തില്‍ എത്തിയപ്പോള്‍ ജ്യോതിരാദിത്യ സിന്ധ്യയെ നോക്കി കണ്ണിറുക്കിയതും സ്വാഭാവികമായിട്ടാണോ മുന്‍കൂട്ടി ആസൂത്രണം ചെയ്തതാണോ എന്ന ചര്‍ച്ചയും പുരോഗമിക്കുന്നുണ്ട്. അത് എന്തു തന്നെ ആയാലും ഈ നടപടിയിലൂടെ രാഹുല്‍ ആദ്യമായി മോദിയെ പിന്നിലാക്കി, കുറഞ്ഞപക്ഷം സമൂഹമാധ്യമങ്ങളിലെങ്കിലും. വെറുതെയങ്ങ് പോയി കെട്ടിപ്പിടിക്കുകയല്ല രാഹുല്‍ ചെയ്തത്. മോദി സര്‍ക്കാരിനെതിരായ കുറ്റപത്രം തീപ്പൊരി പ്രസംഗത്തില്‍ അക്കമിട്ടു…

അഭിമന്യുവിനെ എന്തിന് കൊന്നു?

കേരളത്തില്‍ എത്രയോ രാഷ്ട്രീയ കൊലപാതകങ്ങള്‍ നടന്നിരിക്കുന്നു. അഭിമന്യുവിന്റെ കൊലപാതകത്തില്‍ മാത്രം ഇത്രയേറെ വിലപിക്കാന്‍ എന്താണുള്ളത്? -സമകാലിക രാഷ്ട്രീയത്തെപ്പറ്റി ഞാന്‍ കൂടി പങ്കാളിയായ ഒരു ചര്‍ച്ചയ്ക്കിടെ വളരെ ബഹുമാന്യനായ ഒരു വ്യക്തി പ്രകടിപ്പിച്ച അഭിപ്രായമാണിത്. അപ്പോള്‍ത്തന്നെ ചാടിക്കയറി മറുപടി നല്‍കണം എന്നുണ്ടായിരുന്നു. പറഞ്ഞിട്ടു കാര്യമില്ല എന്നറിയാവുന്നതിനാല്‍ മിണ്ടാതിരുന്നു. അഭിമന്യുവിന്റേത് വെറുമൊരു രാഷ്ട്രീയ കൊലപാതകം മാത്രമായി കാണുന്ന ഒരുപാട് പേരുണ്ടാകാം. അവരോട് സഹതാപമേയുള്ളൂ. ഈ നിഷ്ഠുരമായ കൊലയ്ക്കു പിന്നിലെ കൃത്യമായ വിവരങ്ങള്‍ അവര്‍ മനസ്സിലാക്കാത്തതിനാലാവാം. എല്ലാ രാഷ്ട്രീയ കൊലപാതകങ്ങളും എതിര്‍ക്കപ്പെടണം….

കാവി പുതച്ചെന്നോ? ആര്? എവിടെ?

‘2ല്‍ നിന്ന് 272ല്‍ എത്തിയ ഒരു ചരിത്രം നമ്മള്‍ കണ്ടല്ലോ’ -ബി.ജെ.പിയെയും സംഘപരിവാറിനെയും വിമര്‍ശിച്ച് എന്തെങ്കിലും പറഞ്ഞാല്‍ ആ നിമിഷം സമൂഹമാധ്യമങ്ങളില്‍ സംഘപ്രവര്‍ത്തകരില്‍ നിന്നു ലഭിക്കുന്ന മറുപടിയാണ്. ബി.ജെ.പിയുടെ അശ്വമേധം ഇന്ത്യയെ കാവി പുതപ്പിച്ചിരിക്കുന്നു എന്ന് അവരുടെ അവകാശവാദം. ആത്മവിശ്വാസത്തിന്റെ പ്രതിഫലനമായി ഒരു സംഘിമിത്രം ഇത്ര കൂടി പറഞ്ഞു -‘രാജ്യത്തു നടക്കുന്ന എല്ലാ ഒഫന്‍സുകളും ഒരു പാര്‍ട്ടിയുടെ തലയില്‍ കയറ്റിവെക്കുന്നതിന്റെ ഒരു സുഖം മലയാളികളെ പോലെ മറ്റുള്ളവര്‍ അനുഭവിക്കുന്നില്ല എന്നതാണ് ത്രിപുരയും കാത്വ സംഭവത്തിനുശേഷം നടന്ന കര്‍ണാടകയും…

ചുവന്ന മഹാനദി

വിശപ്പിന്റെ മണം ചുവപ്പ്. വേദനയുടെ നിറം ചുവപ്പ്. മരണത്തിന്റെ അടയാളം ചുവപ്പ്. വിമോചനത്തിന്റെ മാര്‍ഗ്ഗവും ചുവപ്പ്. ആദ്യം മുംബൈയിലാണ് ചുവപ്പ് പടര്‍ന്നത്. ഇപ്പോള്‍ ലഖ്‌നൗവിലേക്കും അത് വ്യാപിച്ചിരിക്കുന്നു. ഉത്തര്‍പ്രദേശിലെ 60 ജില്ലകളില്‍ നിന്നുള്ള കര്‍ഷകര്‍ തങ്ങളുടെ പ്രതിഷേധ സ്വരം മുഴക്കാന്‍ ലഖ്‌നൗവിലെ ലക്ഷ്മണ്‍ മേള മൈതാനത്ത് ഒത്തുചേര്‍ന്നു. മുംബൈയില്‍ ഒരു ലക്ഷത്തിലേറെ കര്‍ഷകര്‍ ഒത്തുചേര്‍ന്നുവെങ്കില്‍ ലഖ്‌നൗവിലെത്തിയത് 20,000ലേറെ. ചരിത്രം നിര്‍മ്മിച്ചതും നിര്‍മ്മിച്ചു കൊണ്ടിരിക്കുന്നതും രാജാക്കന്‍മാരും നേതാക്കന്‍മാരുമല്ല. പൊരുതുന്ന ജനവിഭാഗങ്ങളുടെ സംഘബോധവും ഇച്ഛാശക്തിയുമാണ്. അതിനാണ് ഇപ്പോള്‍ ഇന്ത്യ സാക്ഷ്യം…

വിനാശകാലേ വിപരീതബുദ്ധി

സി.പി.എം. എന്ന പാര്‍ട്ടിയുടെ ചരിത്രത്തില്‍ നിര്‍ണ്ണായകമായ സ്ഥാനമുള്ള നേതാവാണ് പ്രകാശ് കാരാട്ട്. സോവിയറ്റ് യൂണിയനില്‍ മിഖായേല്‍ ഗൊര്‍ബച്ചേവിനുള്ള സ്ഥാനവുമായാണ് അതിനെ ഞാന്‍ താരതമ്യം ചെയ്യുക. എന്നാല്‍, ഗൊര്‍ബച്ചേവിന് നേര്‍ വിപരീതമാണ് കാരാട്ടിന്റെ ശൈലി. പെരിസ്‌ത്രോയിക്കയും ഗ്ലാസ്‌നോസ്തുമൊക്കെയായി കമ്മ്യൂണിസത്തിന് അനുയോജ്യമല്ലാത്ത അയഞ്ഞ ശൈലിയാണ് ഗൊര്‍ബച്ചേവിനുണ്ടായിരുന്നതെങ്കില്‍ കാരാട്ടിന്റേത് കിടുകിട വ്യതിചലിക്കാത്ത കടുംപിടിത്തമാണ്. രണ്ടും കമ്മ്യൂണിസ്റ്റ് പാര്‍ട്ടികള്‍ക്ക് അനുയോജ്യമല്ലാത്ത ശൈലികളാണ്. ലോക്‌സഭയില്‍ ഇടതു കക്ഷികള്‍ക്കെല്ലാം കൂടി 60 അംഗങ്ങളുണ്ടായിരുന്ന സമയത്താണ് പ്രകാശ് കാരാട്ട് സി.പി.എം. ജനറല്‍ സെക്രട്ടറി സ്ഥാനമേല്‍ക്കുന്നത് -2005 ഏപ്രില്‍…

പരാജിതനൊപ്പം…

അതെ, ഞാന്‍ മണിക് സര്‍ക്കാരിനൊപ്പമാണ്. അത് സി.പി.എം. എന്ന പാര്‍ട്ടിയോടുള്ള സ്‌നേഹം കൊണ്ടല്ല. മണിക് സര്‍ക്കാര്‍ എന്ന മനുഷ്യനോടുള്ള സ്‌നേഹമാണ്. അദ്ദേഹത്തെ പോലുള്ളവര്‍ രാഷ്ട്രീയത്തില്‍ അപൂര്‍വ്വമാണ്. മണിക് സര്‍ക്കാര്‍ ഉയര്‍ത്തിപ്പിടിക്കുന്ന നന്മയുടെ രാഷ്ട്രീയം തോല്‍ക്കരുത്. നന്മയുടെ തോല്‍വി നമ്മുടെ എല്ലാവരുടെയും തോല്‍വിയാണ്. അദ്ദേഹം തിരിച്ചുവരിക തന്നെ ചെയ്യും. തങ്ങള്‍ എത്ര വലിയ അബദ്ധമാണ് ചെയ്തതെന്ന് ത്രിപുരക്കാര്‍ താമസിയാതെ മനസ്സിലാക്കും. ഒരേയൊരു തവണ മാത്രമേ ഈ മനുഷ്യനെ ഞാന്‍ കണ്ടിട്ടുള്ളൂ, സംസാരിച്ചിട്ടുള്ളൂ. പാലക്കാട്ട് വെച്ച്. അന്നു മുതല്‍ ഞാന്‍…