• 123
  • 12
  •  
  • 9
  •  
  •  
  •  
    144
    Shares

പൊലിക പൊലിക ദൈവമേ
താന്‍ നെല്‍ പൊലിക,
പൊലികണ്ണന്‍ തന്റേതൊരു
വയലകത്ത്
ഏറോടെയെതിര്‍ക്കുന്നൊരെരുതും വാഴ്ക
ഉഴമയലേയാ എരിഷികളെ നെല്‍പ്പൊലിക
മുരുന്ന ചെറുമനുഷ്യര്‍ പലരും വാഴ്ക
മുതിക്കും മേലാളിതാനും വാഴ്ക!

വീണ്ടുമൊരു വിഷു. ഇക്കുറി ഞങ്ങളുടെ വിഷു വളരെ സവിശേഷമാണ്. കണ്ണന്റെ ആദ്യ വിഷു.

വിഷുക്കണി ഒരുക്കണം. അതിനു കൃത്യമായ ചിട്ടകളുണ്ട്. പുതിയ തലമുറയില്‍പ്പെട്ടവര്‍ക്ക് അത് അറിയുമോ എന്നത് സംശയമാണ്. പാതയോരത്ത് ‘വിഷു’ കച്ചവടക്കാര്‍ നീട്ടിപ്പിടിച്ചു നില്‍ക്കുന്ന ‘കണി’ 50 രൂപ കൊടുത്ത് വാങ്ങി വീട്ടിലെത്തിച്ച് ഒരു പാത്രത്തില്‍ വെയ്ക്കുന്നതാണല്ലോ ഇപ്പോഴത്തെ കണി!

ഓരോ വസ്തുവിനും ഗുണങ്ങളുണ്ടെന്ന് വിശ്വാസം -സത്വ, രജോ, തമോ എന്നിങ്ങനെ. സത്വ ഗുണമുള്ളവയേ കണിയൊരുക്കാന്‍ പരിഗണിക്കാവൂ എന്ന് ശാസ്ത്രം. തേച്ചുവൃത്തിയാക്കിയ നിലവിളക്ക് വേണം. കണിയൊരുക്കുന്ന ഓട്ടുരുളിയും തേച്ചുവൃത്തിയാക്കണം. ഉരുളിയില്‍ ഉണക്കലരിയും നെല്ലും ചേര്‍ത്തു പകുതിയോളം നിറയ്ക്കണം. ഇതില്‍ നാളികേരമുറി വയ്ക്കണം. നാളികേരമുറിയില്‍ എണ്ണനിറച്ച് തിരിയിട്ടു കത്തിക്കാം.

സ്വര്‍ണനിറമുള്ള കൊന്നപ്പൂവും, കണിവെള്ളരിയും ഇതിനൊപ്പമാണ് വെയ്ക്കുക. ചക്ക, മാങ്ങ, കദളിപ്പഴം എന്നിവയാണ് പിന്നീട് നിരത്തേണ്ടത്. ചക്ക ഗണപതിയുടെ ഇഷ്ടഭക്ഷണമാണെന്നു വിശ്വാസം. മാങ്ങ സുബ്രഹ്മണ്യനും കദളിപ്പഴം ശ്രീകൃഷ്ണനും പ്രിയമാണ്. ഇതിനുശേഷം വാല്‍ക്കണ്ണാടി. ഭഗവതിയുടെ സ്ഥാനമാണു വാല്‍ക്കണ്ണാടിക്ക്. കണിക്കൊപ്പം സ്വന്തം മുഖവും കണ്ടുണരാന്‍ കൂടിയാണിത്. ദെവത്തിനൊപ്പം സ്വത്വവും അറിയുക. എല്ലാത്തിലുമുള്ള ദൈവം നമ്മിലുമുണ്ട് എന്ന് ശാസ്ത്രം.

ഉരുളി തയ്യാറായിക്കഴിഞ്ഞാല്‍ കൃഷ്ണവിഗ്രഹം അല്ലെങ്കില്‍ ചിത്രം. കൃഷ്ണ വിഗ്രഹമോ ചിത്രമോ വെയ്ക്കുമ്പോള്‍ ഒരു കാര്യം പ്രത്യേകം ശ്രദ്ധിക്കണം -ദീപപ്രഭമൂലമുള്ള ഒരു നിഴലും അതില്‍ പതിക്കരുത്. കൃഷ്ണനും ഉരുളിക്കുമടുത്ത് താലത്തില്‍ കോടിമുണ്ട്, പുസ്തകം, സ്വര്‍ണം എന്നിവ വെയ്ക്കണം. നാണയത്തുട്ടുകള്‍ വെറ്റിലയ്ക്കും പാക്കിനുമൊപ്പം വെയ്ക്കണം.കുങ്കുമച്ചെപ്പും കണ്മഷിക്കൂട്ടും വേണമെങ്കില്‍ വെയ്ക്കാം.

സമ്പത്തിന്റെ ദേവതയായ ലക്ഷ്മിയുടെ പ്രതീകമാണു സ്വര്‍ണവും നാണയങ്ങളും. പുസ്തകം സരസ്വതിയെ കുറിക്കുന്നു. മുമ്പ് പച്ചക്കറി വിത്തുകളും കണി വെച്ചിരുന്നു. കണി കണ്ട ശേഷം ഈ വിത്തുകള്‍ വിതയ്ക്കുന്ന പതിവുണ്ടായിരുന്നു. ഓട്ടുകിണ്ടിയില്‍ വെള്ളം വെയ്ക്കണമെന്നത് പ്രത്യേകം പറയേണ്ടതില്ല. ജീവന്റെയും പ്രപഞ്ചത്തിന്റെയും ആധാരമായ ജലം കണ്ണില്‍ത്തൊട്ട ശേഷമാണ് കണികാണേണ്ടത്.

ഇത്രയുമാണ് കണിയുടെ തിരുവനന്തപുരം രീതി. മറ്റിടങ്ങളില്‍ ഇങ്ങനെ ആവണമെന്നില്ല. പ്രാദേശികമായി രീതികള്‍ക്ക് വേര്‍തിരുവുകള്‍ ഉണ്ടാവാം. ഹൈന്ദവമായ ആചാരമാണ് വിഷുക്കണി. എന്നാല്‍, കണി കണ്ട ശേഷമുള്ള കൈനീട്ടത്തിന് മതമില്ല തന്നെ!!

എല്ലാവര്‍ക്കും ഹാര്‍ദ്ദമായ വിഷു ആശംസകള്‍!!!

1

വീട്ടുമുറ്റത്തെ കണിക്കൊന്ന വര്‍ഷങ്ങള്‍ക്കു ശേഷം പൂത്തു,
വരാനിരിക്കുന്ന നല്ല കാലത്തിന്റെ സൂചന പോലെ..
കണ്ണനു വേണ്ടി ആയിരിക്കാം ഒരു പക്ഷേ, പ്രകൃതി ഈ പൂക്കണി ഒരുക്കിയത്..

MORE READ

പെണ്ണിനേറ്റവും അപകടകരം സ്വന്തം വീടോ?... ഏതാനും വര്‍ഷങ്ങള്‍ക്കു മുമ്പാണ്. കിലുക്കാംപെട്ടി പോലെ ഓടി നടന്നു ജോലിയെടുക്കുന്ന ഒരു സഹപ്രവര്‍ത്തക എനിക്കുണ്ടായിരുന്നു. അത്യാവശ്യം സ്വാതന്ത്ര്യം ഞാന്‍...
ഉയരങ്ങളില്‍ ഒരു മലയാളി... ഓസ്ട്രിയയില്‍ നിന്ന് സുഹൃത്ത് ജോബി ആന്റണിയാണ് ഇക്കാര്യം ശ്രദ്ധയില്‍പ്പെടുത്തിയത് -രാജ്യാന്തര തലത്തില്‍ ഒരു മലയാളി കൈവരിച്ച നേട്ടം. കേരളത്തിലെ മാധ്യമങ്...
റമീലയുടെ കഥ, റഞ്ചോട് ലാലിന്റെയും…... രാജസ്ഥാനിലെ ദുംഗാര്‍പുര്‍ ജില്ലയിലെ ബിച്ചിവാര ഗ്രാമത്തിലെ താമസക്കാരായിരുന്നു റഞ്ചോട് ലാല്‍ ഖരാഡിയും ഭാര്യ റമീല ദേവിയും. ഇവര്‍ക്ക് 6 കുട്ടികള്‍ -4 ആണും...
ഒന്നാം പിറന്നാള്‍ ഞങ്ങളുടെ മകന്റെ ഒന്നാം പിറന്നാള്‍ വളരെ വിശേഷപ്പെട്ടതായിരുന്നു. എന്റെയും ദേവുവിന്റെയും ധാരാളം സുഹൃത്തുക്കള്‍ നേരിട്ടും അല്ലാതെയും അവന് ആശംസകള്‍ അറിയിച്...
തൃക്കണ്ണാപുരം തൃക്കണ്ണാപുരം, എന്നു വെച്ചാല്‍ തൃക്കണ്ണന്റെ പുരം. മൂന്നു കണ്ണുള്ള ഭഗവാന്റെ -ശ്രീപരമേശ്വരന്റെ നാട്. തിരുവനന്തപുരം നഗരത്തിലാണ് തൃക്കണ്ണാപുരം എന്ന സ്ഥലം....
പ്രവചിക്കപ്പെട്ട മരണം!!... പുരട്ചി തലൈവി ജയലളിതയ്ക്ക് ജ്യോതിഷത്തില്‍ വലിയ വിശ്വാസമായിരുന്നു. ജ്യോത്സ്യന്മാരുമായി ആലോചിച്ചു മാത്രമേ അവര്‍ പ്രധാനപ്പെട്ട എന്തും ചെയ്യുമായിരുന്നുള...
ഇങ്ങനെയും ചില മനിതര്‍!!!... പെരുമഴയിലെ വെള്ളക്കെട്ട് നഗരവാസികളുടെ ശാപമായി മാറിയിരിക്കുന്നു. തിരുവനന്തപുരത്തുകാരനായ എനിക്ക് തമ്പാനൂരിലെ വെള്ളക്കെട്ടിന്റെ ചിത്രങ്ങള്‍ പത്രങ്ങളിലും...

  • 123
  • 12
  •  
  • 9
  •  
  •  
  •  
    144
    Shares
  •  
    144
    Shares
  • 123
  • 12
  •  
  • 9
  •  
  •  

COMMENT