Reading Time: 3 minutes

പത്താം ക്ലാസില്‍ പഠിക്കുമ്പോള്‍ സുഭദ്രാ കുമാരി ചൗഹാന്റെ ‘മേരാ നയാ ബച്പന്‍’ എന്ന കവിത പഠിച്ചിട്ടുണ്ട്. തിരുവനന്തപുരം സെന്റ് ജോസ്ഫ്‌സ് സ്‌കൂളിലെ 10 ഇ ക്ലാസ് മുറിയില്‍ എ.വര്‍ഗ്ഗീസ് സര്‍ ആ കവിത ഈണത്തില്‍ ചൊല്ലുന്നത് ഇപ്പോഴും എന്റെ കാതുകളില്‍ മുഴങ്ങുന്നു. ഈണത്തില്‍ ചൊല്ലിപ്പഠിച്ചതിനാലാവാം കവിത ഇപ്പോഴും മനസ്സിലുണ്ട്, പൂര്‍ണ്ണമായിട്ടല്ലെങ്കിലും.

child (8).jpeg

ബാര്‍-ബാര്‍ ആതി ഹൈ മുഝ്‌കൊ
മധുര്‍ യാദ് ബച്പന്‍ തേരി
ഗയാ ലേ ഗയാ തൂ ജീവന്‍ കി
സബ്‌സെ മസ്ത് ഖുശി മേരി

ചിന്താരഹിത് ഖേല്‍നാ ഖാനാ
വഹ് ഫിര്‍നാ നിര്‍ഭയ് സ്വച്ഛന്ദ്
കൈസെ ഭൂലാ ജാ സക്താ ഹൈ
ബച്പന്‍ കാ അതുലിത് ആനന്ദ്

ഊംച്-നീച് കാ ഗ്യാന്‍ നഹിം ഥാ
ഛുവാഛൂത് കിസ്‌നെ ജാനി
ബനി ഹുയി ഥി ഝോംപടി
ഔര്‍ ചിഥടോം മേം റാണി

കിയേ ദൂധ് കെ കുല്ലെ മൈംനെ
ചൂസ് അംഗൂഠാ സുധാ പിയാ
കില്‍കാരി കില്ലോല് മചാകര്‍
സൂനാ ഘര്‍ ആബാദ് കിയാ

രോനാ ഔര്‍ മചല്‍ ജാനാ ഭി
ക്യാ ആനന്ദ് ദിഖാതെ ഥെ
ബടെ ബടെ മോതി സെ ആംസൂ
ജയമാലാ പഹനാതെ ഥെ…

child (4)

child (5)

ജീവിതത്തിലെ ഏറ്റവും സുന്ദരമായ ഘട്ടം ബാല്യമാണെന്ന് വര്‍ഗ്ഗീസ് സര്‍ പഠിപ്പിക്കുമ്പോള്‍ ബോദ്ധ്യപ്പെട്ടിരുന്നില്ല. എങ്ങനെയെങ്കിലും ഒന്നു വലുതായിക്കിട്ടിയിരുന്നെങ്കില്‍ ഈ പണ്ടാരം പിടിച്ച പരീക്ഷകളില്‍ നിന്നു രക്ഷപ്പെടാമായിരുന്നു എന്നായിരുന്നു അന്നത്തെ ചിന്ത. എന്നാല്‍, സുഭദ്രാകുമാരി ചൗഹാന്‍ എഴുതിയതും വര്‍ഗ്ഗീസ് സര്‍ പഠിപ്പിച്ചതും സത്യമാണെന്ന് ഇപ്പോള്‍ തിരിച്ചറിയുന്നു.

child (6)

child (7).jpeg

എന്റെ മകന്‍ കണ്ണന്‍ വീട്ടില്‍ ഒറ്റയ്ക്കാണ്. അവന്‍ അവന്റെ ലോകത്ത് വിരാജിക്കുന്നു. അനിയത്തിയുടെ മക്കളായ അമ്മുവും വാവയും ഇടയ്ക്ക് വരും. മൂവരും ഒത്തുചേരുമ്പോഴാണ് കണ്ണന്റെ വിശ്വരൂപം പുറത്തുവരിക. വളരെ ശാന്തസ്വഭാവക്കാരനായ അവന്‍ എത്ര പെട്ടെന്നാണ് കുസൃതിയുടെ ആള്‍രൂപമായി മാറുന്നത്! മൂവരും ചേര്‍ന്നാല്‍ പിന്നെ ഞങ്ങള്‍ക്കത് ഉത്സവമാണ്.

child (1)

എന്റെ തലമുറയുടെ കുട്ടിക്കാലം ഓര്‍മ്മകളില്‍ മാത്രമാണ്. സ്‌കൂളിലെ ക്ലാസ് ഫോട്ടോയില്‍ ആ ഓര്‍മ്മകള്‍ ഒതുങ്ങുന്നു. എന്നാല്‍, ഇപ്പോള്‍ അങ്ങനെയല്ല. സാങ്കേതികവിദ്യ വളര്‍ന്നിരിക്കുന്നു. ഓര്‍മ്മകള്‍ പകര്‍ത്തി സൂക്ഷിക്കാനും അതു പിന്നീട് കണ്ടാസ്വദിക്കാനും സംവിധാനമുണ്ട് -മൊബൈല്‍ ഫോണ്‍. അമ്മുവിന്റെയും കണ്ണന്റെയും വാവയുടെയും ബാല്യത്തിന്റെ ആഘോഷം പകര്‍ത്തലാണ് ഇപ്പോഴത്തെ പ്രധാന ജോലി. ഇതു കാണുമ്പോള്‍ മനസ്സില്‍ നുരഞ്ഞുയരുന്ന സന്തോഷത്തിന്റെ പ്രതിഫലനമാണ് ഈ കുറിപ്പ്.

child (2)

ബാല്യം സുന്ദരമാണല്ലോ.
ബാല്യത്തിന്റെ ആഘോഷവും അങ്ങനെ തന്നെ.

child (12).jpeg

അമ്മു -ദൃശ്യ പ്രശാന്ത്
കണ്ണന്‍ -പ്രണവ് നായര്‍
വാവ -ശ്രേയ പ്രശാന്ത്

 


documentaion of childhood

Previous articleഇരുമ്പഴികള്‍ക്കു പിന്നിലേക്കുള്ള വഴി
Next articleഒരു വീഴ്ചയുടെ ഓര്‍മ്മ

വിവിധ വിഷയങ്ങളെപ്പറ്റി വിശദമായ പഠനം നടത്തിയ ശേഷം കൃത്യമായ വിവരം വായനക്കാരിലേക്ക് എത്തിക്കണമെന്ന നിഷ്ഠ പുലര്‍ത്തുന്ന മാധ്യമപ്രവര്‍ത്തകന്‍. 1974 ജൂലൈ 23ന് തിരുവനന്തപുരത്ത് ജനനം. തിരുവനന്തപുരം ചിന്മയ വിദ്യാലയം, സെന്റ് ജോസഫ്‌സ് ഹൈസ്‌കൂള്‍ എന്നിവിടങ്ങളില്‍ സ്‌കൂള്‍ വിദ്യാഭ്യാസം. തിരുവനന്തപുരം ഗവ. ആര്‍ട്‌സ് കോളേജിലെ പ്രീഡിഗ്രി പഠനത്തിനു ശേഷം തിരുവനന്തപുരം യൂണിവേഴ്‌സിറ്റി കോളേജില്‍ നിന്ന് ഇംഗ്ലീഷ് സാഹിത്യത്തില്‍ ബിരുദവും ബിരുദാനന്തര ബിരുദവും നേടി. തിരുവനന്തപുരം ഇന്‍സ്റ്റിറ്റ്യൂട്ട് ഓഫ് ജേര്‍ണലിസത്തില്‍ നിന്ന് ഒന്നാം റാങ്കോടെ ജേര്‍ണലിസം ബിരുദാനന്തര ബിരുദം.

1997 മുതല്‍ മാധ്യമപ്രവര്‍ത്തന രംഗത്തുണ്ട്. കോളേജ് പഠനകാലത്ത് ആകാശവാണിയില്‍ പ്രഭാതഭേരി പോലുള്ള വാര്‍ത്താധിഷ്ഠിത പരിപാടികള്‍ തയ്യാറാക്കിയിരുന്നു. കലാകൗമുദി വാരികയിലായിരുന്നു ഔദ്യോഗിക ജീവിതത്തിന്റെ തുടക്കം. തുടര്‍ന്ന് മാതൃഭൂമി പത്രം, ഇന്ത്യാഇന്‍ഫോ പോർട്ടൽ, വീണ്ടും മാതൃഭൂമി പത്രം, ഇന്ത്യാവിഷന്‍ വാർത്താചാനൽ തുടങ്ങിയ സ്ഥാപനങ്ങളില്‍ ഈ കാലയളവില്‍ പ്രവര്‍ത്തിച്ചു.

2012ലെ മികച്ച ദൃശ്യമാധ്യമ പ്രവര്‍ത്തകനുള്ള കേരള സർക്കാരിന്റെ പുരസ്‌കാരം നേടി. സ്പോർട്സ് റിപ്പോർട്ടിങ്ങിനുള്ള ജി.വി. രാജ പുരസ്‌കാരം, സ്വദേശാഭിമാനി ട്രസ്റ്റിന്റെ വക്കം അബ്ദുള്‍ ഖാദര്‍ മൗലവി പുരസ്‌കാരം, മാതൃഭൂമിയുടെ എം.ജെ.കൃഷ്ണമോഹന്‍ സ്മാരക സ്വര്‍ണ്ണ മെഡല്‍, മലയാള മനോരമയുടെ കെ.എം.ചെറിയാന്‍ സ്മാരക സ്വര്‍ണ്ണ മെഡല്‍ തുടങ്ങിയവയ്‌ക്കെല്ലാം അര്‍ഹനായി. 2009ല്‍ ചൈന സന്ദര്‍ശിച്ച പ്രധാനമന്ത്രിയുടെ പ്രത്യേക പ്രതിനിധി സംഘാംഗമായിരുന്നു. 2010ലെ കോമണ്‍വെല്‍ത്ത് ഗെയിംസും ഇന്ത്യ പങ്കെടുത്ത ടെസ്റ്റ് -ഏകദിന മത്സരങ്ങളുമടക്കം ഒട്ടേറെ കായികമത്സരങ്ങള്‍ റിപ്പോര്‍ട്ട് ചെയ്തു. ഇപ്പോള്‍ സ്ഥാപനബന്ധമില്ലാതെ സ്വതന്ത്രനായി മാധ്യമപ്രവര്‍ത്തനം നടത്തുന്നു.

Donate to support FAIR JOURNALISM

5 COMMENTS

  1. ബാല്യത്തിന്‍റെ വേറൊരു പതിപ്പാണ് സാറേ വാര്‍ദ്ധക്യം…കുറച്ച് wait ചെയ്താല്‍ മതി…..

  2. 10 ഇ ലെ ലാസ്‌റ് ബെഞ്ചറെ തൊട്ടു മുൻപിൽ , ആ ജനലിനോടെ ചേര്ന്ന് ഉള്ള ആ ബെഞ്ച് …..മറക്കാൻ പറ്റുന്നില്ല shyam ് ,,,കൂടെയേ …ഉണ്ടായിരുന്ന ……രൂപേഷും ,ഷിബു വി രെയും …………

COMMENTS