• 129
  • 26
  •  
  • 21
  •  
  •  
  •  
    176
    Shares

വേനല്‍ തുടങ്ങാനിരിക്കുന്നതേയുള്ളൂ. അപ്പോഴേക്കും നാടും നഗരവും ചുട്ടുപൊള്ളുകയാണ്. പകല്‍ താപനില ചിലയിടങ്ങളില്‍ 40 ഡിഗ്രി സെല്‍ഷ്യസിനോട് അടുക്കുന്നു. ജലസ്രോതസ്സുകള്‍ വറ്റിവരണ്ടു. മരങ്ങള്‍ വെട്ടിനിരത്തുകയും കുന്നുകള്‍ ഇടിച്ചുനിരത്തുകയും ജലാശയങ്ങള്‍ മണ്ണിട്ടുനിരത്തുകയും ചെയ്തതിന്റെ തിക്തഫലം.

001

ഇപ്പോള്‍ ചെറിയൊരു ഓലപ്പുര പണിയണമെങ്കില്‍ മഴവെള്ളക്കുഴി നിര്‍ബന്ധമാണ്. നല്ല കാര്യം തന്നെ. മഴവെള്ളം സംഭരിച്ചാല്‍ മാത്രമേ ജലദൗര്‍ലഭ്യത്തിന് ചെറിയ തോതിലെങ്കിലും പരിഹാരം കാണാനാവൂ. അതോടൊപ്പം നിലവിലുള്ള പുഴകള്‍, കുളങ്ങള്‍, വയലുകള്‍, ചതുപ്പുകള്‍, മരങ്ങള്‍ എന്നിവയെല്ലാം സംരക്ഷിക്കപ്പെടുകയും വേണം.

002

കേരളം നേരിടാന്‍ പോകുന്ന വന്‍ ജലപ്രതിസന്ധി മറികടക്കുക എന്ന ലക്ഷ്യവുമായാണ് സംസ്ഥാനത്ത് കഴിഞ്ഞ സര്‍ക്കാരിന്റെ കാലത്ത് നെല്‍വയല്‍ -നീര്‍ത്തട സംരക്ഷണ നിയമം കൊണ്ടുവന്നത്. എന്നാല്‍, ഇപ്പോഴത്തെ സര്‍ക്കാര്‍ അതില്‍ പലവിധ ഇളവുകളും അനുവദിച്ചു. താല്പര്യം കച്ചവടം തന്നെ. അതിന്റെ ഫലം യഥാര്‍ത്ഥത്തില്‍ അനുഭവിക്കുക നമ്മളല്ല, ഭാവി തലമുറയാണ്.

003

നിയമസഭാ തിരഞ്ഞെടുപ്പ് പ്രഖ്യാപിച്ചു കഴിഞ്ഞു. അങ്ങനെ നോക്കിയാല്‍ ഇപ്പോള്‍ നിലവിലുള്ളത് കാവല്‍ മന്ത്രിസഭയാണ്. ഭരണപരമായ നിര്‍ണ്ണായക തീരുമാനങ്ങളൊന്നും ഈ സര്‍ക്കാര്‍ ഇനി എടുക്കാന്‍ പാടില്ല. ഭരണമരവിപ്പിന്റെ രണ്ടു മാസങ്ങള്‍. അനുകൂലമായും പ്രതികൂലമായും തീരുമാനമുണ്ടാവില്ല. എന്നാല്‍, ചിലര്‍ക്കെങ്കിലും ഇത് സുവര്‍ണ്ണാവസരമാണ്. നിയമവിരുദ്ധ പ്രവര്‍ത്തനങ്ങള്‍ ലക്ഷ്യത്തിലെത്തിക്കാനുള്ള അവസരം.

004

തിരുവനന്തപുരം ടെക്‌നോപാര്‍ക്കിലെ തേജസ്വിനി സമുച്ചയത്തിനു മുകളില്‍ നിന്നു കണ്ട ഒരു കാഴ്ചയാണ് ഈ കുറിപ്പിനാധാരം. ഒരു നീര്‍ത്തടം മണ്ണിട്ട് നികത്തുന്നു, അതിവേഗത്തില്‍. മണിക്കൂറില്‍ ശരാശരി 12 ടിപ്പര്‍ മണ്ണാണ് അവിടെ കൊണ്ടിടുന്നത്. തിരഞ്ഞെടുപ്പ് പ്രഖ്യാപിച്ചതോടെ നികത്തലിനു വേഗം കൂടി. ഒരാഴ്ചയായി ഇത് നിര്‍ബാധം തുടരുന്നുവെന്ന് ടെക്‌നോപാര്‍ക്കിലെ സുഹൃത്തിന്റെ ദൃക്‌സാക്ഷി മൊഴി.

006

ടെക്‌നോപാര്‍ക്കിന്റെ അതിര്‍വേലിക്കു തൊട്ടുപുറത്തായി ഒരു ചതുപ്പ് നിലമാണ്. ശരിക്കും പറഞ്ഞാല്‍ വലിയൊരു കുളം. ഇതുവഴി വൈദ്യുതി ബോര്‍ഡിന്റെ 11 കെ.വി. ലൈന്‍ കടന്നുപോകുന്നുണ്ട്. രണ്ടു കുന്നുകളുടെ ഇടയ്ക്കുള്ള താഴ്‌വര എന്നു തന്നെ. ഒരു കുന്നില്‍ ടെക്‌നോപാര്‍ക്കിന്റെ തേജസ്വിനി സമുച്ചയം. രണ്ടാമത്തെ കുന്നില്‍ ക്രിസ്റ്റല്‍ ടെക്പാര്‍ക്ക് അപ്പാര്‍ട്ട്‌മെന്റ്‌സാണ്. എന്നാല്‍, ഇടയ്ക്കുള്ള ഭൂമി ആരുടെയെങ്കിലും സ്വന്തമാണോ സര്‍ക്കാര്‍ പുറമ്പോക്കാണോ എന്നു വ്യക്തമല്ല. ഈ മേഖലയില്‍ ഒരു കുളം എന്തായാലും സ്വകാര്യ വ്യക്തിക്കു സ്വന്തമാകാന്‍ വഴിയില്ലെന്ന് റവന്യൂ വകുപ്പിലെ സുഹൃത്തുക്കളുടെ സാക്ഷ്യപത്രം.

007

ഭരണമരവിപ്പ് നിലനില്‍ക്കുന്നതിനാല്‍ ഉദ്യോഗസ്ഥ തലത്തില്‍ കാര്യമായ ഇടപെടല്‍ ഉണ്ടാവില്ല എന്നു മനസ്സിലാക്കിയാണ് കുളം നികത്തല്‍ പുരോഗമിക്കുന്നത്. അതോ, വേണ്ടതു നല്‍കി മരവിപ്പ് സൃഷ്ടിച്ചതാണോ എന്നറിയില്ല. തിരഞ്ഞെടുപ്പ് പ്രക്രിയ പൂര്‍ത്തിയായി അടുത്ത സര്‍ക്കാര്‍ അധികാരമേല്‍ക്കുമ്പോഴേക്കും ഈ കുളം ഒരു തുറസ്സായ മൈതാനമായി രൂപാന്തരം പ്രാപിച്ചിരിക്കും. അന്ന് അധികാരത്തിലുള്ള രാഷ്ട്രീയ മേലാളന്മാര്‍ക്കും ഉദ്യോഗസ്ഥര്‍ക്കും കിമ്പളം കൊടുക്കാം. ഭൂമി സ്വന്തമാക്കാം. പിന്നെ, അവിടെ എന്തു വേണമെങ്കിലും പണിതുയര്‍ത്താം.

008

ഈ നടപടികള്‍ ചട്ടവിരുദ്ധമാണെന്ന് നികത്തല്‍ കണ്ടയുടനെ തന്നെ മനസ്സില്‍ തോന്നാന്‍ ഒരു കാരണമുണ്ട്. അടുത്തിടെ വായിച്ച ഒരു വാര്‍ത്ത -‘മണ്ണ് കിട്ടാനില്ല; ബൈപാസ് പണി നിലച്ചു’. സര്‍ക്കാരിന്റെ റോഡു പണിക്ക് മണ്ണില്ല. പക്ഷേ, കുളം നികത്താന്‍ മണ്ണുണ്ട്! കാലം മറിഞ്ഞ കാലം!!

MORE READ

ഉപദേശം ഫ്രീ!!! സ.ഉ. (ആര്‍.ടി.) നം.3716/2016/പൊഭവ നിയമസംബന്ധമായ വിഷയങ്ങളില്‍ ഉപദേശം നല്‍കുന്നതിനായി 'മുഖ്യമന്ത്രിയുടെ ലീഗല്‍ അഡൈ്വസര്‍' തസ്തിക കോ-ടെര്‍മിനസ് വ്യവസ്ഥ...
ബ്രീഫിങ് സിന്‍ഡിക്കേറ്റ്... ക്യാബിനറ്റ് ബ്രീഫിങ് തുടര്‍ച്ചയായി ഒഴിവാക്കുന്ന മുഖ്യമന്ത്രി പിണറായി വിജയന്റെ നടപടിയെ ആരെങ്കിലും ചോദ്യം ചെയ്താല്‍ ഉടനെ അയാളെ കടിച്ചുകീറും എന്ന സ്ഥിതിയ...
ഉപദേശം വിനാശം 'മകന്‍ നഷ്ടപ്പെട്ട അമ്മയുടെ മാനസികാവസ്ഥ പൂര്‍ണ്ണമായും മനസിലാക്കുന്നു. അവരുടെ മാനസിക പ്രയാസം സര്‍ക്കാരിന് ബോധ്യമുണ്ട്. എന്നാലിവിടെ അവരുടെ മാനസികാവസ്ഥയെ...
ഉറക്കം കെടുത്തിയ വോള്‍വോ... കട്ടിലിന്റെ തലയ്ക്കലുള്ള ചെറുമേശയിലിരുന്ന് അതിരാവിലെ തന്നെ മൊബൈല്‍ ഫോണ്‍ വിറയലോടു വിറയല്‍. മനുഷ്യന്റെ ഉറക്കം കളയാന്‍ ഏതു കെടുതിയാണാവോ എന്ന ചിന്തയുമായി...
ജലീലിന്റെ നയതന്ത്രം... മന്ത്രി കെ.ടി.ജലീലിന്റെ നടക്കാതെ പോയ സൗദി അറേബ്യന്‍ യാത്രയാണ് ഇപ്പോള്‍ എല്ലാവരും ചര്‍ച്ച ചെയ്യുന്നത്. സൗദിയില്‍ ലേബര്‍ ക്യാമ്പുകളില്‍ കഴിയുന്ന മലയാളിക...
വിദ്യാഭ്യാസ വിഹിതവും വെട്ടി... കേരളത്തിനുള്ള വിദ്യാഭ്യാസ ധനസഹായം കേന്ദ്ര സര്‍ക്കാര്‍ വന്‍തോതില്‍ വെട്ടിക്കുറച്ചു. കേന്ദ്ര മാനവ വിഭവശേഷി വകുപ്പിന്റെ അറിയിപ്പ് പ്രകാരം കേരളത്തിന് ഇത്ത...
കര്‍ഷകശ്രദ്ധ കേരളത്തിലേക്ക്... 2009ല്‍ ഇന്ത്യയുടെ ഔദ്യോഗിക പ്രതിനിധി സംഘാംഗമായി ചൈനയില്‍ പോയപ്പോഴാണ് ഋത്വിക് ത്രിവേദിയെ പരിചയപ്പെട്ടത്. സംഘത്തില്‍ ഒപ്പമുണ്ടായിരുന്ന അവന്‍ അന്ന് ദൈനി...

  • 129
  • 26
  •  
  • 21
  •  
  •  
  •  
    176
    Shares
  •  
    176
    Shares
  • 129
  • 26
  •  
  • 21
  •  
  •  

COMMENT