നല്ല കാര്യം ആരു ചെയ്താലും അത് നല്ലതെന്നു പറയണം. വിശേഷിച്ച്, നേരത്തേ പറ്റിയ, അല്ലെങ്കിൽ ബോധപൂർവ്വം വരുത്തിയ തെറ്റ് തിരുത്താൻ ഒരാൾ തയ്യാറാവുമ്പോൾ.

മഹാനർത്തകി മൃണാളിനി സാരാഭായ് അന്തരിച്ചപ്പോൾ അവരുടെ നിര്യാണത്തെക്കാൾ ശ്രദ്ധ നേടിയത് പ്രധാനമന്ത്രി നരേന്ദ്ര മോദിയുടെ മൗനമായിരുന്നു. സ്വന്തം സംസ്ഥാനത്തു നിന്നുള്ള കലാപ്രതിഭ, നൃത്തരംഗത്തിന് ഒട്ടേറെ സംഭാവനകൾ നല്കിയ വ്യക്തി എന്നീ നിലകളിലെല്ലാം മൃണാളിനിയെ അറിയാമെങ്കിലും അവരുടെ വിയോഗം അറിഞ്ഞഭാവം പോലും മോദി കാട്ടിയില്ല.

മോദിയുടെ രാഷ്ട്രീയ നിലപാടുകളോട് മൃണാളിനിക്കും അവരുടെ മകൾ മല്ലികയ്ക്കുമുള്ള എതിർപ്പായിരുന്നു കാരണം. മരണത്തിൽ വിദ്വേഷം പാടില്ല എന്നായിരുന്നു എല്ലാവരുടെയും അഭിപ്രായം.

screenshot_2016-03-07-11-11-40.png

മലയാള സിനിമയിലെ അതുല്യ പ്രതിഭ കലാഭവൻ മണി വിടവാങ്ങി. മണി ഒരു പ്രഖ്യാപിത മാർക്സിസ്റ്റാണ്. നിയമസഭയിലേക്ക് ചാലക്കുടിയിൽ നിന്ന് സി.പി.ഐ.എം. സ്ഥാനാർത്ഥിയാവാൻ തയ്യാറെടുക്കുന്നു എന്നും വാർത്തകളുണ്ടായിരുന്നു.

മോദിയുടെ ഏറ്റവും വലിയ എതിരാളികളും വിമർശകരുമാണ് സി.പി.ഐ.എം. ആ നിലയ്ക്ക്, മൃണാളിനിയോടുള്ള സമീപനം വെച്ചു നോക്കുമ്പോൾ, കലാഭവൻ മണിയുടെ വിയോഗവും പ്രധാനമന്ത്രി അറിയേണ്ടതല്ല. പക്ഷേ, അതല്ല സംഭവിച്ചത്.

പ്രതീക്ഷാനിർഭരമായ ആ കലാജീവിതം വെട്ടിച്ചുരുക്കപ്പെട്ടിരിക്കുന്നു. ബഹുമുഖ പ്രതിഭയും ജനപ്രിയനുമായിരുന്നു കലാഭവൻ മണി. അദ്ദേഹത്തിന്റെ വിയോഗത്തിൽ ദുഃഖിക്കുന്നു. അദ്ദേഹത്തിന്റെ കുടുംബത്തെയും ആരാധകരെയും ആദരാഞ്ജലികൾ അറിയിക്കുന്നു.
– PMO India @ PMOlndia ട്വീറ്റ്.

കലാഭവൻ മണി ആരെന്ന് വ്യക്തമായി അറിഞ്ഞിട്ടു തന്നെയാണ് പ്രധാനമന്ത്രിയുടെ ഓഫീസിന്റെ ട്വീറ്റ്. പ്രധാനമന്ത്രിയുടെ ഓഫീസ് അറിഞ്ഞുവെന്നു പറഞ്ഞാൽ  നരേന്ദ്ര മോദി അറിഞ്ഞു എന്നു തന്നെയാണർത്ഥം.

തെറ്റുകളിൽ നിന്നു പാഠങ്ങൾ ഉൾക്കൊള്ളാനും തിരുത്താനും തയ്യാറാവുന്നത് ശുഭലക്ഷണമാണ്!!

പ്രിയപ്പെട്ട മണിച്ചേട്ടന് എന്റെ ആദരാഞ്ജലികൾ..
ഉറ്റവരുടെ ദുഃഖത്തിൽ ഞാനും പങ്കുചേരുന്നു…

  •  
    45
    Shares
  • 34
  • 2
  •  
  • 9
  •  
  •  
  •  
Previous articleവിശ്വാസം
Next articleതള്ളിനൊക്കെ ഒരു പരിധിയില്ലേഡേയ്!!
വിവിധ വിഷയങ്ങളെപ്പറ്റി വിശദമായ പഠനം നടത്തിയ ശേഷം കൃത്യമായ വിവരം വായനക്കാരിലേക്ക് എത്തിക്കണമെന്ന നിഷ്ഠ പുലര്‍ത്തുന്ന മാധ്യമപ്രവര്‍ത്തകന്‍. 1974 ജൂലൈ 23ന് തിരുവനന്തപുരത്ത് ജനനം. തിരുവനന്തപുരം ചിന്മയ വിദ്യാലയം, സെന്റ് ജോസഫ്‌സ് ഹൈസ്‌കൂള്‍ എന്നിവിടങ്ങളില്‍ സ്‌കൂള്‍ വിദ്യാഭ്യാസം. തിരുവനന്തപുരം ഗവ. ആര്‍ട്‌സ് കോളേജിലെ പ്രീഡിഗ്രി പഠനത്തിനു ശേഷം തിരുവനന്തപുരം യൂണിവേഴ്‌സിറ്റി കോളേജില്‍ നിന്ന് ഇംഗ്ലീഷ് സാഹിത്യത്തില്‍ ബിരുദവും ബിരുദാനന്തര ബിരുദവും നേടി. തിരുവനന്തപുരം ഇന്‍സ്റ്റിറ്റ്യൂട്ട് ഓഫ് ജേര്‍ണലിസത്തില്‍ നിന്ന് ഒന്നാം റാങ്കോടെ ജേര്‍ണലിസം ബിരുദാനന്തര ബിരുദം.

1997 മുതല്‍ മാധ്യമപ്രവര്‍ത്തന രംഗത്തുണ്ട്. കോളേജ് പഠനകാലത്ത് ആകാശവാണിയില്‍ പ്രഭാതഭേരി പോലുള്ള വാര്‍ത്താധിഷ്ഠിത പരിപാടികള്‍ തയ്യാറാക്കിയിരുന്നു. കലാകൗമുദി വാരികയിലായിരുന്നു ഔദ്യോഗിക ജീവിതത്തിന്റെ തുടക്കം. തുടര്‍ന്ന് മാതൃഭൂമി പത്രം, ഇന്ത്യാഇന്‍ഫോ പോർട്ടൽ, വീണ്ടും മാതൃഭൂമി പത്രം, ഇന്ത്യാവിഷന്‍ വാർത്താചാനൽ തുടങ്ങിയ സ്ഥാപനങ്ങളില്‍ ഈ കാലയളവില്‍ പ്രവര്‍ത്തിച്ചു.

2012ലെ മികച്ച ദൃശ്യമാധ്യമ പ്രവര്‍ത്തകനുള്ള കേരള സർക്കാരിന്റെ പുരസ്‌കാരം നേടി. സ്പോർട്സ് റിപ്പോർട്ടിങ്ങിനുള്ള ജി.വി. രാജ പുരസ്‌കാരം, സ്വദേശാഭിമാനി ട്രസ്റ്റിന്റെ വക്കം അബ്ദുള്‍ ഖാദര്‍ മൗലവി പുരസ്‌കാരം, മാതൃഭൂമിയുടെ എം.ജെ.കൃഷ്ണമോഹന്‍ സ്മാരക സ്വര്‍ണ്ണ മെഡല്‍, മലയാള മനോരമയുടെ കെ.എം.ചെറിയാന്‍ സ്മാരക സ്വര്‍ണ്ണ മെഡല്‍ തുടങ്ങിയവയ്‌ക്കെല്ലാം അര്‍ഹനായി.

2009ല്‍ ചൈന സന്ദര്‍ശിച്ച പ്രധാനമന്ത്രിയുടെ പ്രത്യേക പ്രതിനിധി സംഘാംഗമായിരുന്നു. 2010ലെ കോമണ്‍വെല്‍ത്ത് ഗെയിംസും ഇന്ത്യ പങ്കെടുത്ത ടെസ്റ്റ് -ഏകദിന മത്സരങ്ങളുമടക്കം ഒട്ടേറെ കായികമത്സരങ്ങള്‍ റിപ്പോര്‍ട്ട് ചെയ്തു. ഇപ്പോള്‍ സ്ഥാപനബന്ധമില്ലാതെ സ്വതന്ത്രനായി മാധ്യമപ്രവര്‍ത്തനം നടത്തുന്നു.

COMMENTS