VIEWS 58,837 ആഘോഷിച്ചുകൊണ്ട് പ്രതിഷേധിക്കാനാവുമോ? പ്രതിഷേധിച്ചുകൊണ്ട് ആഘോഷിക്കാനാവുമോ? ആഘോഷവും പ്രതിഷേധവും ഒന്നിച്ചുപോകുമോ? തിരുവനന്തപുരത്തെ മാനവീയം വീഥിയിലെ തെരുവോരം പലതരം ആഘോഷങ്ങള്‍ക്ക് വേദിയായിട്ടുണ്ട്. പലതരം പ്രതിഷേധങ്ങള്‍ ഇവിടെ നിന്ന് പൊട്ടിപ്പുറപ്പെട്ടിട്ടുണ്ട്. എന്നാല്‍ പ്രതിഷേധം ആഘോഷമായി മാറുന്നത്, അല്ലെങ്കില്‍ ആഘോഷം പ്രതിഷേധത്തിന്റെ രൂപമെടുക്കുന്നത് ആദ്യമായിട്ടാണെന്നു തോന്നുന്നു. എന്തായാലും, ഞാന്‍ ഇത്തരമൊരു പരിപാടി കാണുന്നത്, പങ്കാളിയാവുന്നത് ആദ്യമായിട്ടാണ്. തിരുവനന്തപുരത്തെ ഈ സാംസ്‌കാരിക ഇടനാഴി രൂപമെടുത്തിട്ട് 17 വര്‍ഷമാകുന്നു. അത് ആഘോഷിക്കപ്പെടണം. സ്വതന്ത്രരായി ചിന്തിക്കുന്ന, പ്രവര്‍ത്തിക്കുന്ന, ജീവിക്കുന്ന മനുഷ്യരുടെ കൂട്ടിന്റെ ഈ കേന്ദ്രം…