• 220
  • 22
  •  
  • 20
  •  
  •  
  •  
    262
    Shares

പൊലീസ് ആസ്ഥാനത്ത് എത്തുമ്പോള്‍ സ്വീകരിക്കാനെത്തുന്ന വനിതാ എസ്.ഐയ്ക്ക് ഒരു പ്രത്യേക ചന്തമാണ്. ചലനവും സംസാരവുമെല്ലാം ഒരു പ്രത്യേക രീതിയില്‍. ആരെയും ആകര്‍ഷിക്കുന്ന പെരുമാറ്റം. നമ്മള്‍ കൗതുകപൂര്‍വ്വം നോക്കിയിരുന്നു പോകും. മറ്റുള്ളവര്‍ വായിനോക്കുന്നത് ശ്രദ്ധയില്‍പ്പെട്ടാലും വനിതാ എസ്.ഐയ്ക്ക് കൂസലില്ല. പൊലീസ് ആസ്ഥാനത്ത് വായിനോട്ടമോ? തീക്കട്ടയില്‍ ഉറുമ്പരിക്കുമോ? എന്നിട്ട് തട്ടില്ലാതെ മടങ്ങുമോ? ഇവിടെ ഇതെല്ലാം സംഭവിക്കും. കാരണം വനിതാ എസ്.ഐയ്ക്ക് ജീവനില്ല. ഇതൊരു റോബോട്ടാണ്. KP-BOT എന്നാണ് പേര്.

പൊലീസ് ആസ്ഥാനത്ത് ഇനി മുതല്‍ സന്ദര്‍ശകരെ റോബോട്ട് സ്വീകരിക്കും. അവിടെ ലഭ്യമായ സേവനങ്ങളുടെ കൃത്യവും വിശദവുമായ വിവരങ്ങള്‍ റോബോട്ട് നല്‍കും. റോബോട്ടിനോട് നേരിട്ട് ചോദ്യങ്ങള്‍ ചോദിച്ചും അതിന്റെ മാറത്ത് സ്ഥാപിച്ചിട്ടുള്ള സ്‌ക്രീന്‍ ഉപയോഗിച്ചും വിവരങ്ങള്‍ മനസ്സിലാക്കാം.

സംസ്ഥാന പൊലീസ് മേധാവിയെ കാണാനെത്തുന്നവര്‍ക്ക് വേണ്ട നിര്‍ദേശങ്ങള്‍ നല്‍കാനും അവരുടെ വിവരം ചോദിച്ചറിയാനുമുള്ള കഴിവ് റോബോട്ടിനുണ്ട്. സന്ദര്‍ശകര്‍ക്ക് തിരിച്ചറിയല്‍ കാര്‍ഡ് നല്‍കുവാനും ഉദ്യോഗസ്ഥരെ കാണുന്നതിന് സമയം നിശ്ചയിച്ച് നല്‍കാനും ഈ സംവിധാനത്തിനാകും.

സന്ദര്‍ശകര്‍ നല്‍കുന്ന പരാതിയുടെ അടിസ്ഥാനത്തില്‍ കേസ് ഫയല്‍ ആരംഭിക്കാനും സൗകര്യമുണ്ട്. പരാതികള്‍ സംബന്ധിച്ച വിവരങ്ങള്‍ സൂക്ഷിക്കാനും മാര്‍ഗനിര്‍ദ്ദേശങ്ങള്‍ നല്‍കാനും റോബോട്ടിന് സാധിക്കും. ഒരു തവണയെത്തിയവരെ ഓര്‍ത്തുവയ്ക്കാനും ഈ റോബോട്ടിനു ശേഷിയുണ്ട്. കൂടാതെ ഉന്നത ഉദ്യോഗസ്ഥരെ തിരിച്ചറിഞ്ഞ് അഭിവാദ്യം ചെയ്യാനും ഈ വനിതാ എസ്.ഐയ്ക്ക് കഴിയും.

മറ്റ് ആധുനിക സങ്കേതങ്ങളും ഭാവിയില്‍ ഈ റോബോട്ടില്‍ കോര്‍ത്തിണക്കാന്‍ ഉദ്ദേശിക്കുന്നുണ്ട്. സ്‌ഫോടക വസ്തുക്കള്‍ തിരിച്ചറിയുന്നതിനുളള സംവിധാനമടക്കം ഉള്‍പ്പെടുത്താന്‍ കഴിയും. മുഖത്തെ ഭാവങ്ങള്‍ മനസിലാക്കി പ്രതികരിക്കുന്നതിനുളള സാങ്കേതികവിദ്യയും പിന്നീട് ഇതില്‍ ഉള്‍ക്കൊളളിക്കാന്‍ പദ്ധതിയുണ്ട്.

അടുത്തിടെ കൊച്ചിയില്‍ നടന്ന കൊക്കൂണ്‍ സൈബര്‍ കോണ്‍ഫറന്‍സില്‍ വച്ചാണ് പൊലീസ് വകുപ്പിലെ ഏതാനും ചുമതലകള്‍ നിര്‍വഹിക്കുന്നതിന് റോബോട്ടിന്റെ സേവനം വിനിയോഗിക്കുമെന്ന് പൊലീസ് മേധാവി ലോകനാഥ് ബെഹ്‌റ പ്രഖ്യാപിച്ചത്. ഇതിനെ തുടര്‍ന്ന് കൊച്ചിയിലെ സ്റ്റാര്‍ട്ട് അപ്പ് സംരംഭമായ അസിമോവ് റോബോട്ടിക്‌സുമായി ചേര്‍ന്ന് എ.ഡി.ജി.പി. മനോജ് എബ്രഹാമിന്റെ നേതൃത്വത്തില്‍ കേരള പൊലീസ് സൈബര്‍ ഡോം KP-BOT വികസിപ്പിച്ചെടുത്തു.

ഈ സംവിധാനത്തിന്റെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. പൊലീസ് മേധാവി ലോകനാഥ് ബെഹ്‌റ, മറ്റ് ഉയര്‍ന്ന ഉദ്യോഗസ്ഥര്‍ എന്നിവര്‍ ചടങ്ങില്‍ സംബന്ധിച്ചു.

റോബോട്ട് വന്നതുകൊണ്ട് പൊലീസ് ആസ്ഥാനത്തെ ആള്‍ബലത്തിലൊന്നും വ്യത്യാസമുണ്ടാവില്ല. ആദ്യ പോയിന്റായി റോബോട്ട് കൂടി വന്നു എന്നേയുള്ളൂ. സേവനങ്ങള്‍ക്ക് ഇന്ത്യയില്‍ ആദ്യമായി റോബോട്ട് സംവിധാനം ഉപയോഗിക്കുന്ന സേനയായിരിക്കുകയാണ് കേരളാ പൊലീസ്. ഇതോടെ പൊലീസ് സേവനങ്ങള്‍ക്ക് റോബോട്ട് ഉപയോഗിക്കുന്ന ലോകത്തെ നാലാമത്തെ മാത്രം രാജ്യമായി ഇന്ത്യയും മാറി.

MORE READ

Adieu! Google+ YOUR GOOGLE+ ACCOUNT IS GOING AWAY ON 2 APRIL 2019 Whenever I open Google+, I have been seeing this message for some days now. Where is it going? I w...
ഫിലിം ഫെസ്റ്റിവലിനെ ‘ആപ്പിലാക്കി’... കേരള രാജ്യാന്തര ചലച്ചിത്ര മേളയുടെ 23-ാം അദ്ധ്യായത്തിന് തിരശ്ശീല ഉയരുകയായി. പതിവു പോലെ ഒരു തീര്‍ത്ഥാടകനായി ഈയുള്ളവനുണ്ട്. 1997 മുതല്‍ ഒരു മേള പോലും മുട...
ഇതാ ജനമിത്രം!! ഓണ്‍ലൈന്‍ ജീവിതം ഒരു യാഥാര്‍ത്ഥ്യമാണ്, ഇഷ്ടപ്പെട്ടാലും ഇല്ലെങ്കിലും. എല്ലാ ഇടപാടുകളും ഇപ്പോള്‍ ഓണ്‍ലൈനായി മാറിയിരിക്കുന്നു. നോട്ട് നിരോധനം ഈ പരിണാമത്ത...
പകച്ചുപോയ നിമിഷങ്ങള്‍!!!... മലയാളത്തിലെ പ്രമുഖ വാരികയുടെ ആവശ്യപ്രകാരമുള്ള ഒരു കുറിപ്പിന്റെ പണിപ്പുരയിലായിരുന്നു ഞാന്‍. കുറിപ്പ് ഫയല്‍ ചെയ്യാനുള്ള ഡെഡ്‌ലൈന്‍ അടുക്കുന്നു. വാരികയുട...
ഓര്‍മ്മയുടെ വിപണിമൂല്യം... നോക്കിയ 5110 1998ലാണ് ആദ്യമായി ഒരു മൊബൈല്‍ ഫോണ്‍ സ്വന്തമാക്കുന്നത് -നോക്കിയ 5110. വിദേശ ഉത്പന്നങ്ങള്‍ വില്‍ക്കുന്ന ഒരു ഇടനിലക്കാരനില്‍ നിന്ന് സുഹൃത്...
വാനാക്രൈ പ്രതിരോധം... ലോകം ഇപ്പോള്‍ WannaCrypt, WanaCrypt0r 2.0, Wanna Decryptor എന്നീ വാക്കുകള്‍ ചര്‍ച്ച ചെയ്യുകയാണ്. 150 രാജ്യങ്ങളിലെ 2,30,000 കമ്പ്യൂട്ടറുകളില്‍ ഒരേസമയം ...
കടുവയും കിടുവയും Pakistan having the taste of their own curry, but in a much spicier way. സ്വാതന്ത്ര്യദിനത്തില്‍ തന്നെ ആ എരിവ് സഹിക്കേണ്ടി വന്നു എന്നത് അവര്‍ക്കാകെ നാണ...

  • 220
  • 22
  •  
  • 20
  •  
  •  
  •  
    262
    Shares
  •  
    262
    Shares
  • 220
  • 22
  •  
  • 20
  •  
  •  

2 COMMENTS

    • It was only a beta-version. The robot named Hemant Karkare was announced in a press conference by the company that made it, H-BOTS. Somehow it doesn’t get inducted into the police force, though it was slated to be done in July 2018. It was heard that some security breach arose, in the making.

      In Kerala, the KP-BOT was developed in collaboration with the police force itself. That made the induction much easier.

COMMENT